Святому царю-мученику Николаю

Память мученического подвига царской семьи - 4/17 июля (Последний российский император, вместе со всей семьей претерпевший за веру и Отечество поношение и смерть от антихристовых слуг - большевиков. Растет число чудотворений по его святым молитвам к Богу, а среди православного народа ширится почитание святых царственных мучеников. Царь-мученик Николай - небесный предстатель за Россию, молитвенник за русский народ, помощник в различных семейных нуждах)

О святый страстотерпче, царю мучениче Николае, Помазанника Своего тя Господь избра, во еже милостиво и право судити людем твоим и хранителем царства православнаго быти. Царское служение сие и о душах попечение со страхом Божиим совершал еси. Испытуя же тя, яко злато в горниле, скорби горькие Господь ти попусти, якоже Иову многострадальному, последи же престола царскаго лишение и мученическую смерть посла ти. Вся сия кротко претерпевый, яко истинный раб Христов, наслаждаешися ныне вышния славы у престола всех Царя, купно со святыми мученики: святою царицею Александрою, святым отроком цесаревичем Алексием, святыми царевнами Ольгою, Татианою, Мариею и Анастасиею и с верными слуги твоими, таже со святой мученицею княгинею Елисаветою и со всеми царственными мученики и святою мученицею Варварою. Но яко имея дерзновение велие у Христа Царя, Егоже ради все пострадаша, моли с ними, да отпустит Господь грех народа, не возбранившего убиение твое, Царя и Помазанника Божия, да избавит Господь страждующую страну Российскую от лютых безбожник, за грехи наша и отступление от Бога попущенных, и восставит престол православных царей, нам же подаст грехов прощение, и на всякую добродетель наставит нас, да стяжим смирение, кротость и любовь, яже сии мученицы явиша, да сподобимся Небеснаго Царствия, идеже купно с тобою и всеми святыми новомученики и исповедники Российскими прославим Отца и Сына и Святаго Духа, ныне и присно и во веки веков. Аминь.