Святому Феодосию, архиепископу Черниговскому

О священная главо, святителю Феодосие! Услыши нас призывающих тя и припадающих ко святей иконе твоей. Поминай нас, раб Божиих (имена), у престола Вседержителева и не престай моляся о нас ко Христу Богу: тебе бо дадеся благодать молитися за ны. Испроси предстательством твоим у Всемилостиваго Бога нашего нам здравие душевное и телесное, тихое и богоугодное житие, благую христианскою кончину и добрый ответ на Страшнем суде Христове и Царствия Небеснаго наследники быти покажи, да прославим имя Отца и Сына и Святаго Духа, во веки веков.