Празднование в честь иконы
27 ноября/10 декабря

Икона эта стала почитаться как чудотворная с XII в., когда между Новгородским и Владимиро-Суздальским князьями разгорелась междоусобная распря. Новгород осадило огромное войско, однако, когда икону обнесли вокруг городских стен, нападающих объял ужас, и они поспешно удалились. Впоследствии икона Божией Матери “Знамение” прославилась еще и тем, что остановила большой пожар, грозивший уничтожить весь Новгород. Пред иконой “Знамение” молятся об умирении Отечества, об избавлении от междоусобной брани, об избавлении от пожара.)

О пресвятая и преблагословенная Мати сладчайшаго Господа нашего Иисуса Христа! Припадаем и покланяемся Тебе пред святою чудотворною иконою Твоею, воспоминающе дивное знамение Твоего заступления, великому Новуграду от нея явленное во дни ратнаго нань нашествия. Смиренно молим Тя, всесильная рода нашего заступнице: якоже древле отцем нашим на помощь тогда ускорила еси, тако и ныне нас немощных и грешных Твоего матерняго заступления и благопопечения сподоби. Спаси и сохрани, Владычице, под кровом милости Твоея, Церковь святую, град Твой, (обитель Твою) и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани. Ей, Госпоже Всемилостивая! Умилосердися на ны, обуреваемыя грехами многими, простри ко Христу Господу богоприимные руце Твои и предстательствуй за нас пред благостию Его, просяще нам прощения прегрешений наших, благочестнаго мирнаго жития, благия христианския кончины и добраго ответа на страшнем суде Его: да спасаеми всесильными Твоими к Нему молитвами, блаженство райское унаследуем, и со всеми святыми воспоем пречестное и великолепое имя достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь.